UYNTV

گۇيجۇدا پارتىيە 19-قۇرۇلتىيىغا قاتنىشىدىغان ۋەكىللەر سايلاپ چىقىلدى

تەھرىر : ئالمىرە ئىسھاق | كېلىش مەنبەسى : خەلق تورى | ئېلان قىلغان ۋاقتى : 21-04-2017 17:16

A-A+

خەلق تورى ئۇيغۇرچە قانىلىنىڭ 21-ئاپرېل بېيجىڭدىن بەرگەن تېلېگراممىسى: جۇڭگو كوممۇنىستىك پارتىيەسى گۇيجۇ ئۆلكىلىك 12-قۇرۇلتىيى 16-ئاپرېلدىن 20-ئاپرېلغىچە گۇيياڭدا ئېچىلدى، قۇرۇلتايدا گۇيجۇ ئۆلكىسىدىن پارتىيە 19-قۇرۇلتىيىغا قاتنىشىدىغان ۋەكىللەر سايلاپ چىقىلدى. مەركەز گۇيجۇدا سايلامغا قاتنىشىشقا كۆرسەتكەن ۋەكىل نامزاتى يولداش شى جىنپىڭ تولۇق ئاۋاز بىلەن پارتىيە 19-قۇرۇلتىيىنىڭ ۋەكىلى بولۇپ سايلاندى.

  ھازىر گۇيجۇ نامراتلىقتىن قۇتۇلدۇرۇش جېڭى ۋە ماس قەدەمدە ھاللىق جەمئىيەت قۇرۇشنىڭ ئاچقۇچلۇق مەزگىلىدە تۇرۇۋاتىدۇ. پارتىيە ئەزالىرى، كادىرلار بەس-بەستە مۇنۇلارنى بىلدۈردى: باش شۇجى شى جىنپىڭنىڭ نامرات رايونلاردىكى ئاممىنى ئەستىن چىقارماي، گۇيجۇدا سايلامغا قاتناشقانلىقى ئۇنىڭ گۇيجۇدىكى ھەر دەرىجىلىك پارتىيە تەشكىلاتلىرىغا زور دەرىجىدە ئىشەنگەنلىكى، ئۆلكىدىكى بارلىق پارتىيە ئەزالىرىنىڭ غايەت زور شەرىپى، گۇيجۇدىكى ھەر مىللەت خەلققە بولغان سەمىمىي غەمخورلۇقى بولۇپلا قالماي، گۇيجۇنىڭ نامراتلىقتىن قۇتۇلدۇرۇش جېڭىگە بېرىلگەن غايەت زور مەدەت. باش شۇجى شى جىنپىڭنىڭ گۇيجۇغا كېلىپ سايلامغا قاتنىشىشى پارتىيە مەركىزىي كومىتېتىنىڭ يېڭى ئىستىلى ۋە ئوبرازىنى نامايان قىلدى، ياخشى يۆنىلىش كۆرسىتىپ بەردى، بۇ پارتىيە ئەزالىرى بىلەن ئامما ئارىسىدىكى ئالاقىنى تېخىمۇ قويۇقلاشتۇرۇش، يېڭى ۋەزىيەتتىكى پارتىيە ئىچىدىكى سىياسىي تۇرمۇشنى كۈچەيتىش ۋە قېلىپلاشتۇرۇش، نامراتلىقتىن قۇتۇلدۇرۇش جېڭى قاتارلىق دۆلەتنىڭ مۇھىم تەرەققىيات ئىستراتېگىيەسىنى ئىلگىرى سۈرۈش ۋە يولغا قويۇشتا زور ئەھمىيەتكە ئىگە.

  شىنجاڭ گېزىتى تەرجىمىسى