UYNTV

شى جىنپىڭ چاۋشيەن دۆلەت بايرىمىنىڭ 70 يىللىقى مۇناسىۋىتى بىلەن چاۋشيەن ئەڭ ئالىي رەھبىرى كىم جۇڭئۇنغا تەبرىك تېلېگراممىسى يوللىدى

تەھرىر : ئالمىرە ئىسھاق | كېلىش مەنبەسى : خەلق تورى | ئېلان قىلغان ۋاقتى : 11-09-2018 13:06

A-A+

خەلق تورى ئۇيغۇرچە قانىلىنىڭ 10- سېنتەبىر بېيجىڭدىن بەرگەن تېلېگراممىسى: جۇڭگو كومپارتىيەسى مەركىزىي كومىتېتىنىڭ باش شۇجىسى، دۆلەت رەئىسى شى جىنپىڭ 9-ئاينىڭ 9-كۈنى چاۋشيەن دۆلەت بايرىمىنىڭ 70 يىللىقى مۇناسىۋىتى بىلەن چاۋشيەن ئەمگەكچىلەر پارتىيەسىنىڭ باشلىقى، دۆلەت كومىسسارىياتىنىڭ باشلىقى كىم جۇڭئۇنغا تەبرىك تېلېگراممىسى يوللىدى.

  شى جىنپىڭ تەبرىك تېلېگراممىسىدا مۇنداق دېدى: چاۋشيەن دېموكراتىك خەلق جۇمھۇرىيىتى قۇرۇلغانلىقىنىڭ 70 يىللىقى پەيتىدە، مەن جۇڭگو كومپارتىيەسى، جۇڭگو ھۆكۈمىتى، جۇڭگو خەلقىگە ۋاكالىتەن، شۇنداقلا ئۆز نامىمدىن سىزنى شۇنداقلا سىز ئارقىلىق چاۋشيەن ئەمگەكچىلەر پارتىيەسى، چاۋشيەن ھۆكۈمىتى، چاۋشيەن خەلقىنى قىزغىن تەبرىكلەيمەن ھەمدە سىلەرگە سەمىمىي تىلەكلەرنى تىلەيمەن.سىزنىڭ باشچىلىقىڭىزدىكى چاۋشيەن ئەمگەك پارتىيەسىنىڭ رەھبەرلىكىدە، دۆلەتنىڭ تەرەققىيات ۋە قۇرۇلۇش ئىشلىرىدا تېخىمۇ زور نەتىجە ھاسىل قىلىشىنى چىن كۆڭلۈمدىن ئۈمىد قىلىمەن. چاۋشيەن دېموكراتىك خەلق جۇمھۇرىيىتىنىڭ گۈللەپ روناق تېپىشىغا ۋە خەلقنىڭ بەختلىك، ئامان بولۇشىغا چىن كۆڭلۈمدىن تىلەكداشمەن.